Herzlich willkommen!

Hûn dixwazin şîrketeke ava bikin li Almanyayê û agahiyên derbarê pêvajo û rêbazên destpêkê ji we re hewce ne? Qasî 20 sal e, Rêveberiya Berlînê agahiyên herî girîng ên derbarê avakirina şîrketekê û destpêkirina karekî pêşkeş dike kesên ji welatên din ên dixwazin şîrketekê ava bikin. Di nav semînerên yek-rojî de, ku ji ber koronayê îsal ew ê ser înternetê pêk werin, mijarên mîna:

  •  Karê serbixwe
  •  Gavên fermî ji bo avakirinê
  •  Çêkirina plana kar
  •  Derfetên fînanskirinê û piştgiriyê
  •  Piştevanî li Berlînê
  •  Nû-destpêkên serkeftî

tên pêşkêşkirin bi çend zimanan ji aliyê kesên pispor.

Semîner bi zimanên wek ingilîzî, frensî, îtalî, spanyolî, rusî, polî, serbî-hirwatî, vîetnamî, tirkî, kurdî, erebî û farsî pêk tên. Semîner, taybetî ji bo jinên ku dixwazin karê xwe ava bikin û kesên bi xebatên afirîner mijûl in û dixwazin karê xwe ava bikin, tên lidarxistin.

Hevkariya bi civakên etnîkî yên cur bi cur derfetan çêdike ji bo kesên ku dixwazin karên xwe ava bikin û torekê saz bikin ku beşdar dikarin fikr û pêşniyarên xwe bi zimanê xwe hev dû re parve bikin.

Ji xeynî agahiyên devkî, hûn ê materyalên nivîskî mîna pirtûka piştevaniyê ya IBB û belgeyên agahiyê yên GründerZeite jî bi dest bixin (binêrin Zêdetir Lînk).

Heqê semînerê 10 Euro ye û qasî 6 saet wext digire. Semîner ji bo penaberan bêpere ye.

Lê belê, ji ber hişyariya bilind a têkoşîna li dijî vîrûsa COVID19, semîner îsal di odeyekê de bi hev re nikare pêk were. Lewma em ê semîneran bi riya înternetê pêşkêş bikin. Hewcedariya we tenê ji bo kompûtereke serçokî (laptop) an jî telefona destan heye – hûn dikarin hemû dem û agahiyên derbarê beşdarbûnê di bin serenavê Seminer de peyda bikin.

Her wiha, hûn dikarin herin ser hesabên me yên Facebook û Twitterê ji bo peydakirina pêşniyarên online, derfetên piştevaniyê, fikrên nû-destpêkan, navendên şêwirmendiyê û gelek tiştên din!

Em bendê ne ku pêşwaziya we vê gavê li ser înternetê û paşî jî rûbirû bikin!

Bimînin baş û slamet

Tîma We ya Pirrengî Ava Dike

Aktuelles

Vielfalt gründet - online!

Liebe Gründungsinteressierte, bei Fragen wenden Sie sich an uns:
vielfalt@ariadne-an-der-spree.de

Dear founders, for any questions contact us: vielfalt@ariadne-an-der-spree.de

We look forward to meeting you!

Vielfalt gründet auf Jobmessen

Melden Sie sich noch bis zum 08.10.2020 für ein kostenloses Halbtagesticket zu den deGUT an: vielfalt@ariadne-an-der-spree.de

Sprachen

Kurdî